طريقة عمل القطايف
القطايف وجمالها وحلاوتها واللي ما بيخلاش بيت منها في رمضان بس ع طول بنجبها جاهزة مع إننا ممكن نعملها ف البيت بإدينا وبكل سهولة ومش هتاخد مننا وقت وهناكلها وإحنا مطمننين علشان من عمايل إيدينا
المقادير
- 4 أكواب من الدقيق
- 4 أكواب ماء دافئ
- معلقة كبيرة سكر
- معلقة كبيرة خميرة
- معلقة صغيرة بيكنج بودر
- رشة ملح
طريقة التحضير
- نحضر كوب ونضع فيه الخميرة والسكر وقليل من الماء ونقلبها ونتركها حتي تختمر
- نحضر إناء ونضع فيه الدقيق ونضع عليها رشة الملح ومعلقة البيكنج بودر ونقلبهم جيداّ
- ثم نضع خليط الخميرة علي الدقيق وننزل تدريجياّ بالماء الدافئ
- نخلطهم جيداّ بالمضرب اليدوي او الكهربائي حتي نحصل علي قوام سائل نسبياّ ثم نغطي الوعاء ونتركه حتي يختمر
- بعد التخمير وتضاعف حجمها نقلبه جيداّ حتي نخرج منها الهواء
- نحضر طاسة غير قابلة للإلتصاق ونضعها علي النار حتي تسخن جيداّ ونهدأ النار
- بإستخدام المغرفة او الكوب نضع الخليط في الطاسة علي شكل دواير صغيرة
- نتركها علي النار حتي يبان فيها الفقاقيع
- ونرفعها من علي النار اول ما تاخد اللون الذهبي من تحت
الحشو
ممكن بقي نحشيها حلو او حادق زي ما نحب بس جربوها حادق هتبقي وهمية
الحلو :- جوز هند طبعاّ ومكسرات كالمعتاد
وما تنسوش الشربات يا قمرات
الجديد كله بقي في النوتيلا و القشطة والكريم شانتيه
الحادق :
- مكس جبن بالزتون مثلا
- بسطرمة
- جبنة فيتا
- اللي متوفر في تلاجتك كله ينفع
***********************
***********************
إرسال تعليق