من منا لا يحب الطعام الايطالي الذي يبحر بنا في لذة عظيمة من نكهات جبناته ومكروناته لذلك سنقدم لكم طريقة عمل النجرسكوا اللذيذة
المقادير
- 1 ك لبن حليب
- كيلو إلا ربع صدور فراخ
- 1 كيلو مكرونة اقلام
- 2 حبة فلفل رومي اخضر او ألوان
- زيتون شرائح
- 1/2 معلقة توم بودر
- 1/2 معلقة بصل بودر
- 1/2 معلقة بابريكا
- 1/2 معلقة فلفل اسود
- ملح حسب الرغبة
- جبنة شيدر مبشورة
- جبنة رومي مبشورة
- 1 مكعب مرقة دجاج
- 4 معالق دقيق
- 3 معالق زبدة
- معلقتين زيت
- نصف ليمونة او معلقة خل
- معلقتين قشطة (إختياري)
طريقة التحضير
- في اناء نضع ماء و زيت و شوية ملح لسلق المكرونة
- نقطع صدور الفراخ مكعبات صغيرة ثم نتبلها بالتوم والبصل البودر و البابريكا والفلفل الاسود ونصف الليمونة او معلقة خل كبيرة ونتركها نص ساعة في التلاجة
- نروح بقي نقطع الفلفل قطع صغيرة ونحضر الكريمة لحد الفراخ ما تتبل شوية
- في إناء علي النار نضع الزبدة و الدقيق حتي يتحول لونه للاصفر قليلاَ ثم نضع اللبن تدريجياَ واحنا بنقلب بالمضرب حتي لا يتكتل الخليط وبعد التأكد من التجانس و فك كل التكتلات و في حين لم تفك التكتلات بالمضرب يمكن ضربها ف الخلاط ثم نضع فلفل اسود وملح حسب الرغبة و وضع القشطة ان وجدت مع الاستمرار في التقليب حتي ان يبتدي الخليط في التماسك ونطفي عليه النار
- نحضر إناء اخر نضع فيه معلقتين زيت حتي يسخن ونضع الفراخ حتي تأخذ صدمة النار وبعدها نبتدي ف تقليبها حتي تدخل ف النضج ونضع الفلفل الرومي وبعد الوصول للسوا نضع الملح
- نحضر الصينية اللي هنحط فيها المكرونة ونقسم المكرونة لنصفين ونضع النص الاول وعليه شوية كريمة وبعدها نضع الفراخ والزيتون الاسود وبعدها شوية كريمة تاني ونضع باقي الكريمة
- ثم نضع الجبنة الشيدر والرومي علي وش الصينية و ع الفرن ع طووووول
وبألف صحة وهنا علي قلبكوا يا حلوين
***********************
***********************
إرسال تعليق