حقيقة إصابة الفنان كريم قاسم بكورونا
لقد ظهر الفنان "كريم قاسم " في فيديو له على حسابه الخاص على الإنستجرام بعد كثرة الإشاعات المغرضة حول ملبسات مرضه الكورونا بعدما إنتشرت الإشاعات عليه عن طريق جميع وسائل التواصل الإجتماعي كما أكد أنه قام بعزل نفسه بمنزله حينما شعر بأول أعراض الفيروس منذ أسبوعين ماضيين
كما نفى أيضاً حضوره لحفلة أقامتها الفنانة "ريهام حجاج" هي وزوجها رجل الأعمال "محمد حلاوة" بفيلتهم بالجونة إحتفالاً بنجاح مسلسل "لما كنا صغيرين" المشارك في بطولته النجم "خالد النبوي" والفنان "كريم قاسم"
كما ردت الفنانة ريهام حجاج ونفت قيامها بعمل أي إحتفلات أو ما شبه ذلك لإلتزامها بالتباعد الإجتماعي والإلتزام بكافة الإجراءات الإحترازية وإدراكها بالوضع الحالي للبلاد كما نفت أيضاً إشاعة إصابتها بكورونا وأنها قامت بعمل التحاليل اللازمة التي أثبتت سلامتها و سلامة أسرتها
كما صرح أيضاً الفنان "كريم قاسم" في الفيديو أنه :
- أنه يفكر في تصويرالفيديو من أول يوم ظهرت لي الأعراض مع إني قعدت تقريبا 10 أو 12 يوم لحد ما اتأكد إن عندي كورونا بشكل رسمي، وبدأت أعمل الفيديوهات لكن وقفتها لإن كنت في مرحلة مكنتش قادر أعملها، وقررت أحكي عن التجربة بعد ما تخلص تمامًا، وحابب أطمن الناس لإن فيه أخبار منتشرة اني تعبان، آه حقيقي جالي كورونا، بس انا كويس بقالي أسبوعين كويس جدا، معزول في البيت من 3 أسابيع
- أول ما عرفت إن فيه كورونا في شهر تلاتة اترعبت، أنا عايش مع والدي 79، لو حصله حاجة هتبقى نهاية العالم بالنسبة لي لإنه أهم شخص في حياتي، احنا الإتنين كنا مرعوبين خدنا قرار إني أسيب البيت؛ لأني بنزل أشتغل وبحتك بناس كل يوم بأعداد كبيرة، وعندي التزامات مقدرش أوقف شغل زيي زي ناس كتير مضطرة تنزل وتحاول تاخد احتياطاتها قدر الإمكان
- خلصت تصوير حوالي أخر أبريل أو أول مايو، يوم 17 أو 18 ظهرلي أول أعراض: صداع قوي جدا وحرارة وتكسير جامد جدا، بعد 12 ساعة قررت إني أقول لكل الناس اللي قابلتهم في الـ14 يوم اللي قبل ظهور الأعراض، لأن واجبي أبلغ كل الناس اللي اختلطت بيهم
- رابع وخامس يوم كان أصعب أيام، في الوقت ده مكنتش متأكد فعليًا اني عندي، بس حاسس وفاقد حاسة الشم والتذوق، كنت في مرحلة الحرارة عالية جدا وباخد باراسيتامول الحرارة بتوصل لـ39:5
- سادس وسابع يوم بقيت أحسن، عندي أعراض خفيفة جدا ومفيش حاسة تذوق وشم ومن هنا ابتدت رحلة الشفاء والتعافي عملت تحاليل دم، خفت أروح الحميات قلت لو معنديش هيجيلي، واتفرجت على حاجات كتير برا بتقول طالما معندكش حاجات قوية اقعد في البيت
- عملت مسحات وتأكدت اني كويس كان بعد العيد بشوية لما المستشفيات الخاصة بدأت تعمل ده
- بعمل الفيديو ده عايز أكلم الناس اللي جالها أو اللي هيجيلها كورونا، يمكن شهادتي تفيدكم في حاجة، وبوجه الفيديو للي أقل من 60 سنة، أنا واحد عندي 33 سنة، لو عندك أعراض خفيفة كحة، حرارة، ترجيع، اسهال، تكسير، صداع، وقادر تتعامل معاهم، خليك في البيت، مش محتاج تاخد مكان حد محتاج يدخل المستشفى، لو تعبت ومش قادر تتنفس اتجه لأقرب جهة ممكن تستقبلك
- لو جالك قول لكل الناس اللي حواليك، الموضوع مش عيب، فاهم انك بتحس انك منبوذ وده طبيعي
- الناس اللي مجالهاش، عندي رجاء يا جماعة الموضوع مش بسيط، ومش هزار، أنا جالي أعراض خفيفة، هو مش دور برد، تعاملوا بجدية: غسل الايدين، ارتداء الكمامة، منخمسش مع بعض في المشروبات، خافوا على أهاليكم، لو حد حس بأعراض اعزل نفسك، لو قررت تنزل يبقى فيه حاجة غلط في البوصلة الأخلاقية بتاعتك، خافوا على بعض
- لو تعاملنا بوعي وتواضع مش عنتزة الموضوع هيعدي
***********************
***********************
إرسال تعليق